Shporta e blerjeve
Your cart empty!
Ish-presidenti Meta kërkesë GJKKO: kërkon transmetim “live” të procesit
Ish-presidenti Ilir Meta i është drejtuar Gjykatës së Posaçme të Shkallës së Parë për Korrupsionin dhe Krimin e Organizuar me kërkesën publike për të garantuar transmetimin e drejtpërdrejtë të procesit ndaj tij.
Në kërkesën e tij publike, Meta thekson se kërkon transparencë të plotë për qytetarët dhe median, duke argumentuar se opinioni publik duhet të informohet në kohë reale për çdo zhvillim të procesit.
“Në respekt të qytetarëve shqiptarë dhe të gjithë bashkëkombasve, kudo që ndodhen, të cilëve u kam shërbyer me përkushtim, përgjegjësi maksimale dhe ndjenjë të thellë patriotizmi në detyrat më të larta shtetërore (President i Republikës, Kryetar i Kuvendit dhe Kryeministër), i drejtohem sot Gjykatës së Posaçme të Shkallës së Parë për Korrupsionin dhe Krimin e Organizuar me kërkesën publike për të garantuar transmetimin e drejtpërdrejtë (live) të të gjithë këtij procesi, nga seanca e parë, të hënën, më datë 27 prill 2026 dhe deri në fund.
Në funksion të informimit publik, të gjithë gazetarëve dhe mediave të interesuara duhet t’ju garantohet sinjali i transmetimit (live).
Transparenca përpara qytetarëve shqiptarë dhe llogaridhënia është detyrim për çdo institucion dhe çdo funksionar publik!”, shkruan Meta.
Lajme të fundit:
Akuzat e Vuçiç për “luftë hibride”, reagon Podgorica zyrtare
11 ditë më parë
Ushtarët italianë të KFOR-it patrullojnë zonat veriore të vendit
11 ditë më parë
Ish-ministri Endrit Shala dënohet me dy vjet burg
11 ditë më parë
Koktej molotovi hidhet para Ambasadës së Bullgarisë në Shkup
11 ditë më parë
Erdogan: Rrjeti i Netanyahut po kërcënon Turqinë
16 ditë më parë