Shporta e blerjeve
Your cart empty!
Vlora Çitaku akuzon Lëvizja Vetëvendosje: ‘Kërkon nënshtrim, jo konsensus’
Sekretarja e përgjithshme e PDK-së, Vlora Çitaku, ka reaguar lidhur me diskutimet për zgjedhjen e presidentit, duke theksuar se kjo është çështje kushtetuese dhe jo temë diskutimi.
Përmes një postimi në rrjetin social Facebook, ajo ka thënë se PDK ka ofruar opsione konkrete për zgjidhje, ndërsa ka akuzuar LVV-në për qasje joserioze dhe mungesë vullneti për bashkëpunim.
Sipas Çitakut, qeveria nuk po kërkon konsensus, por po prodhon krizë dhe synon nënshtrim në vend të zgjidhjes.
“Diskutim për zgjedhjen e Presidentit, thanë. Sinqerisht, a po bëni hajgare? Nuk kemi nevojë të diskutojmë nëse Kosova ka nevojë për President apo jo. Kjo është çështje kushtetuese dhe shtetërore, jo temë improvizimi. PDK ka qenë e qartë që nga dita e parë dhe ka ofruar opsione konkrete për zgjidhje. Në anën tjetër, LVV e ka trajtuar këtë proces me joseriozitet të plotë. Nga vizitat turistike nëpër Spanjë e Angli, deri te qasja tallëse dhe përçmuese ndaj këtij procesi, çdo veprim i tyre dëshmon mungesë vullneti për bashkëpunim. Kjo nuk është mënyrë për të ndërtuar institucione. Nuk duan zgjidhje, por duan nënshtrim. Nuk kërkojnë konsensus, por prodhojnë krizë”, ka shkruar Çitaku në Facebook.
Lajme të fundit:
Akuzat e Vuçiç për “luftë hibride”, reagon Podgorica zyrtare
11 ditë më parë
Ushtarët italianë të KFOR-it patrullojnë zonat veriore të vendit
11 ditë më parë
Ish-ministri Endrit Shala dënohet me dy vjet burg
11 ditë më parë
Koktej molotovi hidhet para Ambasadës së Bullgarisë në Shkup
11 ditë më parë
Erdogan: Rrjeti i Netanyahut po kërcënon Turqinë
16 ditë më parë