Shporta e blerjeve
Your cart empty!
Whitaker vlerëson Prishtinën: Kosova kontribuuese gjithnjë e më e rëndësishme në siguri
Ambasadori amerikan në NATO, Matthew Whitaker, i ka cilësuar si takime produktive, ato me kryetaren e Kuvendit, Albulena Haxhiun, kryeministrin Albin Kurti, dhe, me ministrin e Mbrojtjes Ejup Maqedoncin.
Whitaker, në postimin e tij në ‘’X’’, ka thënë se Kosova po e rrit rolin e saj si kontribuuese në siguri, duke nisur nga roli i saj në Bordin e Paqes deri te kontributi i planifikuar me personel për Forcën Ndërkombëtare të Stabilizimit në Gaza.
‘’Takime produktive në Pristina me Ushtruesen e Detyrës së Presidentit Haxhiu, Kryeministrin Albin Kurti, Ministrin e Mbrojtjes Ejup Maqedonci dhe ekipin. Kosova po rrit rolin e saj si kontribuese në siguri, nga roli i saj në Bordin e Paqes deri te kontributi i planifikuar me personel për Forcën Ndërkombëtare të Stabilizimit në Gaza. E vlerësoj përkushtimin e Kosovës për të siguruar artikuj mbrojtës nga SHBA 🇺🇸 dhe zhvillimin e bazës së saj industriale të mbrojtjes. Partnerë më të fortë çojnë drejt një të ardhmeje më të sigurt’’, ka shkruar ai.
Lajme të fundit:
Ganimete Musliu reagon ndaj Gecit: ‘Nuk frikësohemi’
6 orë më parë
