Shporta e blerjeve
Your cart empty!
ASH: Kryetari i Haraçinës largon nga puna tre familjarë të dëshmorëve
Aleanca për Shqiptarët (ASH) ka reaguar ndaj siç thuhet një vendimi të kryetarit të Komunës së Haraçinës për largimin nga puna të tre familjarëve të dëshmorëve, duke e cilësuar këtë veprim si të papranueshëm dhe politikisht të dënueshëm.
Në reagimin e saj zyrtar, Aleanca për Shqiptarët – Dega Haraçinë vlerëson se vendimi përbën një goditje të drejtpërdrejtë ndaj familjeve që kanë dhënë sakrificën më të madhe për lirinë e vendit.
Ja reagimi i plotë:
“Kryetari i Komunës së Haraçinës ka ndërmarrë një veprim të papranueshëm dhe politikisht të dënueshëm duke larguar nga puna tre familjarë të dëshmorëve. Ky vendim përbën goditje të drejtpërdrejtë ndaj familjeve që kanë dhënë më të shtrenjtën për lirinë e vendit.
Largimi i familjarëve të dëshmorëve nga institucionet komunale nuk është reformë, nuk është ligjshmëri dhe nuk është drejtësi. Është mungesë respekti, cinizëm institucional dhe përdorim i pushtetit kundër atyre që nuk kanë mundësi të mbrohen.
Kjo qasje e kryetarit dëshmon se për këtë udhëheqje nuk ka as ndjeshmëri njerëzore dhe as përgjegjësi morale. Familjet e dëshmorëve nuk janë numra për spastrime politike dhe as viktima të kalkulimeve personale.
Kërkohet reagim i menjëhershëm institucional, transparencë e plotë mbi arsyet e largimit dhe rikthim i menjëhershëm i të larguarve në vendet e tyre të punës. Heshtja përballë këtij veprimi është bashkëfajësi”, reagon Aleanca për Shqiptarët – Dega Haraçinë.(INA)
Lajme të fundit:
Propozohet ulja e numrit të deputetëve nga 120 në 90
3 ditë më parë
Bastisje në pronat e vëllait të Milo Gjukanoviqit
3 ditë më parë
Burg përjetë për vrasësin e Marigona Osmanit
3 ditë më parë
Si u mashtrua kumanovari për 44 mijë euro?
3 ditë më parë
Rriten çmimet e derivateve të naftës në Maqedoninë e Veriut
3 ditë më parë
Për deputetët shqiptarë!
4 ditë më parë