Shporta e blerjeve
Your cart empty!
Fillon procesi i numërimit të votave nga diaspora
Sot, më 2 janar ka filluar numërimi i fletëvotimeve nga votimi jashtë Kosovës, respektivisht i fletëvotimeve nga votimi përmes postës që deri më tani janë tërhequr nga dy kutitë postare jashtë Kosovës, në Qendrën e Numërimit dhe Rezultateve.
Kështu ka deklaruar për Klankosova.tv zëdhënësi i Komisionit Qendror të Zgjedhjeve, Valmir Elezi.
“Nga votimi me postë, siç e kemi treguar më herët, numri i shtetasve të regjistruar ka qenë rreth 58 mijë. Ende nuk është përmbyllur procesi i tërheqjes së fletëvotimeve nga kutitë postare, andaj në këtë fazë nuk e dimë se sa prej këtyre votuesve të regjistruar kanë ushtruar të drejtën e votës. Tërheqjet e fundit të zarfeve me fletëvotime do të bëhen më 2 dhe 5 janar 2026”, tha Elezi.
“Deri më tani, nga dy kutitë postare, Berlin dhe Bernë, janë tërhequr më shumë se 28 mijë e 500 pako me fletëvotime që i takojnë votimit përmes postës dhe të cilat janë vlerësuar dhe verifikuar nga shërbimi votues i KQZ-së”, theksoi ai.
Elezi shtoi se “nga numri i përgjithshëm i pakove me fletëvotime të supozuara që deri më tani kemi pranuar, pra nga më shumë se 28 mijë, pas vlerësimit dhe verifikimit janë aprovuar 27,600, ndërkaq janë refuzuar më shumë se 950. Arsyeja më e shprehur te zaret e refuzuara është sepse në pakon me fletëvotim mungon dëftesa e regjistrimit të votuesit”.
Lajme të fundit:
Propozohet ulja e numrit të deputetëve nga 120 në 90
3 ditë më parë
Bastisje në pronat e vëllait të Milo Gjukanoviqit
3 ditë më parë
Burg përjetë për vrasësin e Marigona Osmanit
3 ditë më parë
Si u mashtrua kumanovari për 44 mijë euro?
3 ditë më parë
Rriten çmimet e derivateve të naftës në Maqedoninë e Veriut
3 ditë më parë
Për deputetët shqiptarë!
4 ditë më parë