Shporta e blerjeve
Your cart empty!
Kamerat e “Safe City” drejt aktivizimit, MPB apelon për bashkëpunim
Ministria e Punëve të Brendshme ka njoftuar se nga data 20 deri më 31 janar do të realizohet testimi, kalibrimi dhe verifikimi i pajisjeve të vendosura për mbikëqyrjen e qarkullimit rrugor, në kuadër të projektit “Safe City”.
Sipas MPB-së, aktivitetet do të zhvillohen çdo ditë në intervalin kohor nga ora 08:00 deri në 20:00.
“Në periudhën nga 20.01. deri më 31.01. do të bëhet testimi, kalibrimi dhe verifikimi i pajisjeve (kamerave) të vendosura për mbikëqyrjen e qarkullimit”, thuhet në njoftimin zyrtar.
Nga Ministria sqarojnë se gjatë realizimit të këtyre procedurave do të ketë kufizime të përkohshme në qarkullim.
“Gjatë zbatimit të këtyre aktiviteteve, automjetet në lokacionet ku bëhet testimi nuk do të lejohet të kalojnë gjersa zgjat procedura”, theksohet në njoftim.
MPB-ja bën të ditur se në javën e parë të periudhës së planifikuar, testimet do të zhvillohen vetëm në zonën e qytetit të Shkupit, në lokacionet ku tashmë janë të vendosura kamerat.
Në fund, autoritetet u bëjnë thirrje qytetarëve për bashkëpunim.
“U bëjmë thirrje qytetarëve dhe të gjithë pjesëmarrësve në komunikacion që të respektojnë kufizimet e përkohshme dhe të tregojnë mirëkuptim, durim dhe bashkëpunim, me qëllim të realizimit të pandërprerë dhe të sigurt të aktiviteteve të planifikuara”, thuhet në njoftimin e MPB-së.
Lajme të fundit:
Propozohet ulja e numrit të deputetëve nga 120 në 90
3 ditë më parë
Bastisje në pronat e vëllait të Milo Gjukanoviqit
3 ditë më parë
Burg përjetë për vrasësin e Marigona Osmanit
3 ditë më parë
Si u mashtrua kumanovari për 44 mijë euro?
3 ditë më parë
Rriten çmimet e derivateve të naftës në Maqedoninë e Veriut
3 ditë më parë
Për deputetët shqiptarë!
4 ditë më parë