Shporta e blerjeve
Your cart empty!
Kosova dhe Kanadaja drejt thellimit të bashkëpunimit bilateral
Kryeministri në detyrë i Kosovës, Albin Kurti, është takuar në Davos me ministrin e Promovimit të Eksportit, Tregtisë Ndërkombëtare dhe Zhvillimit Ekonomik të Kanadasë, Maninder Sidhu, ku u diskutua për forcimin e marrëdhënieve bilaterale dhe zgjerimin e bashkëpunimit ekonomik, transmeton Anadolu.
Sipas njoftimit nga Zyra e Kryeministrit, takimi u mbajt në Shtëpinë e Kosovës në Davos, ndërsa palët biseduan për shkëmbimin tregtar dhe mundësitë e reja të bashkëpunimit mes dy vendeve.
Vëmendje e veçantë iu kushtua industrisë minerare, duke u përmendur edhe pjesëmarrja e Kosovës në Konferencën Botërore për Hulumtim dhe Shfrytëzim të Mineraleve (PDAC 2025), e mbajtur vitin e kaluar në Toronto.
Po ashtu, në takim u theksua potenciali për thellimin e bashkëpunimit në sektorët e infrastrukturës, teknologjisë së informacionit dhe mbrojtjes.
Ky ishte takimi i parë mes kryeministrit Kurti dhe ministrit Sidhu. Kurti shprehu mirënjohjen e tij për mbështetjen e vazhdueshme të Kanadasë ndaj Kosovës në proceset shtetndërtuese, për angazhimin e kontigjentit kanadez në kuadër të KFOR-it, si dhe për përkrahjen e Kanadasë në përpjekjet e Kosovës për anëtarësim në organizata ndërkombëtare./aa
Lajme të fundit:
Propozohet ulja e numrit të deputetëve nga 120 në 90
3 ditë më parë
Bastisje në pronat e vëllait të Milo Gjukanoviqit
3 ditë më parë
Burg përjetë për vrasësin e Marigona Osmanit
3 ditë më parë
Si u mashtrua kumanovari për 44 mijë euro?
3 ditë më parë
Rriten çmimet e derivateve të naftës në Maqedoninë e Veriut
3 ditë më parë
Për deputetët shqiptarë!
4 ditë më parë