Shporta e blerjeve
Your cart empty!
Media boshnjake: Bosnja po u bën padrejtësi qytetarëve të Kosovës
Edhe pse Qeveria e Kosovës ka marrë vendim një vit më parë për t’i hequr në mënyrë të njëanshme vizat për hyrje në Kosovë për shtetasit e Bosnjës dhe madje për t’i lejuar ata të hyjnë vetëm me letërnjoftim, problemet për qytetarët e Kosovës kur bëhet fjalë për hyrjen në Bosnjë-Hercegovinë vazhdojnë të jenë të pranishme, shkruan “Slobodna Bosna”.
Qytetarët e Kosovës jo vetëm që nuk mund të hyjnë në Bosnjë-Hercegovinë me letërnjoftim, por atyre u duhet të shkojnë në vendet fqinje – Mal të Zi, Maqedoni të Veriut apo Serbi – për të marrë viza për të hyrë në Bosnjë-Hercegovinë.
“Personat me dokumente udhëtimi të shënuara Republika e Kosovës mund të hyjnë në Bosnjë dhe Hercegovinë vetëm me një vizë të Bosnjë-Hercegovinës të marrë më parë. Ajo nuk vendoset në dokumentin e udhëtimit, por lëshohet në një formular të veçantë dhe sipas një procedure të veçantë”, ka deklaruar Policia Kufitare e Bosnjë-Hercegovinës.
Kompetencat për përpunimin e kërkesave për lëshimin e vizave për të hyrë në Bosnjë-Hercegovinë për shtetasit e Kosovës u janë caktuar misioneve diplomatike dhe konsullore të Bosnjës në Shkup, Podrgoricë e Beograd.
Shtetasit e Kosovës mund të udhëtojnë vetëm me letërnjoftim në Shqipëri, Mal të Zi, Maqedoni të Veriut dhe Serbi.
I vetmi vend në rajon që nuk ka lejuar udhëtim të lirë për qytetarët e Kosovës është Bosnjë-Hercegovina.
Po ashtu qytetarët e Kosovës mund të udhëtojnë në vendet e Bashkimit Evropian, në zonën Shengen, pa viza që nga janari i vitit 2024.
Lajme të fundit:
Propozohet ulja e numrit të deputetëve nga 120 në 90
3 ditë më parë
Bastisje në pronat e vëllait të Milo Gjukanoviqit
3 ditë më parë
Burg përjetë për vrasësin e Marigona Osmanit
3 ditë më parë
Si u mashtrua kumanovari për 44 mijë euro?
3 ditë më parë
Rriten çmimet e derivateve të naftës në Maqedoninë e Veriut
3 ditë më parë
Për deputetët shqiptarë!
4 ditë më parë