Kërko

Shporta e blerjeve

Nëntotali
$97.00
Shiko shportën Blej

Artikuj të ruajtur

Ju nuk keni shtuar ende asnjë artikull në faqerojtësit tuaj!

Shfletoni artikujt
MAQEDONI • 2 MIN LEXIM

Mediat proqeveritare serbe: “Maqedonia – shtet banane feston rënien e Venezuelës

Mediat proqeveritare serbe: “Maqedonia – shtet banane feston rënien e Venezuelës
1 muaj më parë

Edhe një tjetër shtet i vogël ballkanik, i cilësuar si “banana-shtet”, është rreshtuar për të duartrokitur ndërhyrjen amerikane në Venezuelë. Këtë herë ka reaguar Timço Mucunski, ministri i Punëve të Jashtme i Maqedonisë së Veriut, shkruan Informer.rs, një media e afërt me pushtetin në Serbi, përcjell INA.



Më tej thuhet se Mucunski përmes rrjetit social X, pa asnjë hezitim ka përshëndetur arrestimin e presidentit të Venezuelës, Nikolas Maduro, duke u rreshtuar hapur në krah të Uashingtonit.


“Përshëndes njoftimin e presidentit Donald Trump se Nikolas Maduro është arrestuar dhe se do të përballet me drejtësinë. Po ashtu, e vlerësoj sekretarin e shtetit Mark Rubio për lidershipin në kundërshtimin e rrjeteve narkokriminale të regjimit të Madurros. Përgjegjësia është e rëndësishme. Qëndrojmë përkrah Shteteve të Bashkuara të Amerikës dhe popullit të Venezuelës në luftën për liri dhe demokraci”, ka shkruar Mucunski.


Sipas medias serbe, në mesazhin e Mucunskit nuk ka asnjë gjurmë shqetësimi për shkeljen e sovranitetit të një shteti, të së drejtës ndërkombëtare apo për precedentin që krijohet kur një fuqi e madhe arreston ushtarakisht presidentin e një vendi tjetër. “Të gjitha ato parime, për të cilat Ballkani dhe Evropa zakonisht thirren kur u leverdis politikisht, në këtë rast janë fshirë plotësisht. Për Shkupin, që sipas këtij interpretimi zbaton pa kushte kërkesat e Uashingtonit dhe Brukselit, duket se nuk ka dilemë: fuqia amerikane është, sipas definicionit, “drejtësi”, edhe kur zbatohet me helikopterë, në errësirë dhe jashtë territorit të SHBA-së”, shkruan Informer.(INA)

SHPËRNDAJ

Lajme të fundit: