Shporta e blerjeve
Your cart empty!
Policia zbulon sërish armë dhe eksploziv në Zubin Potok
Policia e Kosovës në veri për herë të dytë brenda ditës së sotme ka gjetur e sekuestruar armë, municion dhe eksploziv në një shtëpi të braktisur të një tjetër fshat në Zubin Potok.
Bëhet fjalë për fshatin Jagnjenicë të kësaj komune ku policia thotë se gjatë kryerjes së detyrave të rregullta policore në rajonin e Veriut, ka pranuar informacione se në një shtëpi të braktisur në këtë fshat dyshohej se mund të gjendeshin armë, municion si dhe eksploziv.
“Menjëherë pas pranimit të informacionit, njësitë relevante policore kanë dalë në lokacionin e dyshuar, ku gjatë kontrollit kanë gjetur dhe sekuestruar: 1 (një) pushkë e tipit M48, 244 (dyqind e dyzet e katër) fishekë të kalibrave të ndryshëm, 2 (dy) karikatorë të zbrazët si dhe një sasi eksplozivi”, bëhet e ditur në njoftim.
Kanë thënë se në vendin e ngjarjes kanë dalë edhe Njësia për Trajtimin e Eksplozivit(EOD) te cilët kanë tërhequr eksplozivin në mënyrë të sigurt, ndërsa hetimet janë duke vazhduar për të përcaktuar llojin e saktë të eksplozivit.
“Të gjitha veprimet policore janë ndërmarrë në koordinim të plotë me Prokurorin e Shtetit, i cili ka udhëzuar inicimin e rastit “Mbajtje në pronësi, kontroll ose posedim të paautorizuar të armëve”. Lidhur me këtë rast, nuk ka persona të arrestuar, ndërsa rasti mbetet nën hetime”, thotë Policia e Kosovës.
Lajme të fundit:
Propozohet ulja e numrit të deputetëve nga 120 në 90
3 ditë më parë
Bastisje në pronat e vëllait të Milo Gjukanoviqit
3 ditë më parë
Burg përjetë për vrasësin e Marigona Osmanit
3 ditë më parë
Si u mashtrua kumanovari për 44 mijë euro?
3 ditë më parë
Rriten çmimet e derivateve të naftës në Maqedoninë e Veriut
3 ditë më parë
Për deputetët shqiptarë!
4 ditë më parë