Shporta e blerjeve
Your cart empty!
Prodhimet ushtarake “Made in Albania” nisin këtë vit
Ministri i Mbrojtjes Pirro Vengu njofton nënshkrimin e gjashtë kontratave shtet-privat për municione, pajisje ushtarake, dronë dhe sisteme anti-dron.
Komisioni për Evropën dhe Punët e Jashtme shqyrtoi të premten projektligjin “Për importin, eksportin dhe tranzitin e armëve të zjarrit, të komponentëve të tyre kryesorë dhe të municioneve”, ku në fokus ishte edhe zhvillimi i industrisë vendase të mbrojtjes.
Gjatë fjalës së tij, ministri i Mbrojtjes Pirro Vengu bëri të ditur se aktualisht janë nënshkruar gjashtë kontrata për krijimin e gjashtë kompanive të përbashkëta shtet-privat, përmes kompanisë shtetërore KAYO dhe gjashtë operatorëve privatë.
Sipas ministrit, këto kontrata parashikojnë prodhimin në Shqipëri të municioneve, mjeteve dhe pajisjeve personale, uniformave, armatimit të lehtë, dronëve, sistemeve anti-dron si dhe mjeteve për emergjencat civile.
“Presim që produktet e para ‘Made in Albania’ për disa nga këto nënprodukte konkretisht mjetet taktike, mjetet e emergjencave, uniformat dhe municionet – të nisin prodhimin që këtë vit”, u shpreh zyrtari i lartë.
Ai theksoi se Ministria e Mbrojtjes, në bashkëpunim me Agjencinë e Industrisë së Mbrojtjes, ka hyrë në një fazë të re, e cila synon garantimin e një zinxhiri furnizimi të qëndrueshëm për të gjitha nënproduktet e prodhimit ushtarak.
“Kjo është e domosdoshme për të qenë plotësisht në përputhje me standardet e NATO-s dhe me politikat e sigurisë dhe mbrojtjes së vendit tonë”, nënvizoi ministri.
Zhvillimi i industrisë vendase të mbrojtjes shihet nga Qeveria si një hap strategjik për forcimin e kapaciteteve kombëtare, rritjen e autonomisë prodhuese dhe përfshirjen e Shqipërisë në zinxhirët modernë të industrisë së sigurisë.
Lajme të fundit:
Propozohet ulja e numrit të deputetëve nga 120 në 90
3 ditë më parë
Bastisje në pronat e vëllait të Milo Gjukanoviqit
3 ditë më parë
Burg përjetë për vrasësin e Marigona Osmanit
3 ditë më parë
Si u mashtrua kumanovari për 44 mijë euro?
3 ditë më parë
Rriten çmimet e derivateve të naftës në Maqedoninë e Veriut
3 ditë më parë
Për deputetët shqiptarë!
4 ditë më parë