Shporta e blerjeve
Your cart empty!
Vuçiç akuzon Kosovën, Shqipërinë dhe Kroacinë për formim aleance ushtarake
Presidenti i Serbisë, Aleksandar Vuçiç, pretendon se Tirana, Prishtina dhe Zagrebi kanë themeluar “aleancë ushtarake, sulmuese”.
“Kjo është një aleancë sulmuese. Ka njerëz që ëndërrojnë se kur ka konflikt midis pjesëve të Perëndimit dhe Rusisë, kjo është një mundësi për ish-aleatët rusë, si ne, që të shkatërrohen plotësisht”, tha Vuçiç për TV Informer të mërkurën.
Lideri serb i ka akuzuar vazhdimisht Kroacinë, Shqipërinë dhe Kosovën për themelimin e një aleance ushtarake kundër Serbisë dhe popullit serb në muajt e fundit.
Ministrat e Mbrojtjes të Kroacisë, Shqipërisë dhe Kosovës nënshkruan një deklaratë për forcimin e bashkëpunimit në mbrojtje në mars të vitit 2025.
Qeveria kroate i tha më parë Radios Evropa e Lirë se Deklarata nuk synon të krijojë ndonjë aleancë ushtarake, dhe as nuk nevojitet një aleancë e tillë përkrah NATO-s.
Duke iu përgjigjur akuzave të mëparshme të Vuçiçit, ministei i Brendshëm kroat, Davor Bozhinoviç, bëri thirrje për paqe dhe bashkëpunim në rajon.
“Kroacia është anëtare e Bashkimit Evropian dhe çdo gjë që bën në marrëdhëniet ndërkombëtare bëhet në mënyrë transparente”, tha Bozhiniviç më 6 janar.
Kroacia dhe Shqipëria janë anëtare të NATO-s, ndërsa Kosova, pavarësinë e së cilës Serbia nuk e njeh, nuk është anëtare e aleancës./REL
Lajme të fundit:
Propozohet ulja e numrit të deputetëve nga 120 në 90
3 ditë më parë
Bastisje në pronat e vëllait të Milo Gjukanoviqit
3 ditë më parë
Burg përjetë për vrasësin e Marigona Osmanit
3 ditë më parë
Si u mashtrua kumanovari për 44 mijë euro?
3 ditë më parë
Rriten çmimet e derivateve të naftës në Maqedoninë e Veriut
3 ditë më parë
Për deputetët shqiptarë!
4 ditë më parë