Shporta e blerjeve
Your cart empty!
“Nuk do të ketë pushime”, Berisha premton vazhdim të aksionit opozitar
Kryetari i Partisë Demokratike, Sali Berisha, deklaroi se opozita nuk do të ketë pushime verore, duke paralajmëruar vijimin e aksionit politik kundër qeverisë.
Gjatë një deklarate publike, Berisha u shpreh se opozita do të jetë në një “betejë të pandërprerë” kundër asaj që ai e cilësoi si “mafia më e rrezikshme në Evropë”.
“Opozita nuk ka pushime. Opozita ka kryengritje paqësore, betejë të pandërprerë me mafien më të rrezikshme të Evropës dhe njërën prej më të rrezikshmeve në botë. Ndaj dhe ne, që i kemi shpallur luftë mafies në emër të shtetit ligjor, nuk mund të kemi asnjë pushim. Betejë, betejë dhe vetëm betejë”, deklaroi Berisha.
Kreu i demokratëve nuk dha detaje konkrete mbi aksionet e ardhshme politike, por ritheksoi se opozita do të vijojë mobilizimin dhe denoncimet ndaj qeverisë edhe gjatë sezonit veror.
